Булунғур туманида иккита мактабнинг 8-синф ўқувчи қизлари стадионда муштлашди. Видеода икки гуруҳ қизларнинг муштлашуви акс этган, шунингдек йигитларнинг кулгани ва луқма ташлаганлари эшитилган. Туман ИИБ томонидан терговга қадар текширув ўтказилмоқда.
Шайхонтоҳур туманидаги мактабнинг 5 нафар ўқувчи қизи уй ертўласида бир қизни калтаклади. Ҳолатга изоҳ берган Тошкент шаҳри мактаб таълими бошқармаси ички ишлар ходимлари тергов-суриштирув ишларини олиб бораётганини билдирди.
Паркент туманида қизлар йигит талашиб жанжаллашгани айтилмоқда. Тошкент вилояти ИИББ ҳолат ёзда содир бўлгани ва ариза келиб тушмаганини маълум қилди. Видеода ҳуқуқбузарлик аломатлари бўлгани туфайли маъмурий баённома тузилиб, қонуний чора кўриш мақсадида ЖИБ Паркент тумани судига юборилди.
Қўшимча имкониятларга эга булиш учун сайтда рўйхатдан ўтинг